Адмовіцца ада ілжывага прынцыпу гульні ў абсалютную дэмакратычнасьць у супрацьстаяньні з напаўтаталітарнай сістэмай. Працаваць не з абвешчанымі правадырамі, а зь лідарамі, якія справай ды рэчаіснымі перамогамі даказалі сваю вернасць Радзіме. Аб'ядноўваць не ўсіх і кожнага, а ідэйна паслядоўных людзей.

БПС усе апошнія гады была галоўным прапагандыстам супольнай нацыянальна-вызвольнай барацьбы ўсіх здаровых беларускіх сілаў. Цяпер гэтая мэта можа стаць рэчаіснай. Ва ўсялякім выпадку за ўсімі "пяцеркамі", "шасьцеркамі" і "дзесяткамі" ўвогуле поўны нуль: ні ідэі, ні сумленьня, ні нацыянальнай волі. А цяпер можа ўзьнікнуць новы цэнтар сілы. БПС будзе гарантам як ад узурпацыі справы якім-небудзь "месіяй", так і ад загружваньня ў балоце бясконцых спрэчак. Мы прапануем для будучай кааліцыі ажыцьцяўляць працу па старажытнаму беларускаму праву liberum veto.

Пры адхіленьні ад абвешчаных нацыянальна-патрыятычных прынцыпаў БПС першай выйдзе з кааліцыі. Мы былі аплотам беларускай справы апошнія гады, не кідаліся з крайнасьці ў крайнасьць і цяпер мы шукаем падставы для ўзмацненьня ўдара па маскоўскім агрэсарам - усёй гэтай мафіі, якая кінулася скупляць і падмінаць Беларусь, па ейным мясцовым прыслужнікам. А гульні нам непатрэбныя. Мы адмаўляемся ўдзельнічаць ва ўсёй гэтай перадвыбарчай таўкатні.